THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

TANROADS WAAGIZWA KULETA MZANI MAKAMBAKO

Naibu Waziri wa Ujenzi, Elias Kwandikwa ameuagiza uongozi  Wakala wa Barabara (TANROADS), Makao makuu kuhakikisha ndani ya mwezi mmoja  wanaweka mzani mwingine wa kuhamishika katika eneo la mzani wa Makambako ili kuweza kutatua  changamoto ya msongamano wa magari katika eneo hilo.
Naibu Waziri huyo ametoa agizo hilo mkoani Njombe, mara baada ya kufika katika mzani huo ambapo amejionea changamoto zake na kusisitiza kuwa,  kuongeza mzani wa kuhamishika katika eneo hilo kutasaidia kupunguza kero hiyo ya msongammano wakati Serikali ikitafuta ufumbuzi wa kudumu wa kujenga mzani mwengine katika eneo hilo.
"Naagiza TANROADS Makao makuu mfanye kila linalowezekana  ndani ya mwezi mmoja mlete mzani wa  kuhamishika hapa Makambako,  tunataka tutoe huduma ya haraka kwa madereva  ili  pasiwe na  msongamano katika eneo hili", amesema Naibu Waziri Kwandikwa.
Amewaonya wale madereva wote wanaotumia kisingizio cha uwepo wa foleni  katika mzani  huo kwa kufanya mambo yao binafsi kuacha mara moja tabia hiyo, kwani ikibainika kwa dereva yeyote ambae ameshapatiwa huduma lakini bado ameegesha gari lake katika eneo hilo atachukuliwa hatua kali za kisheria dhidi yake.
Ameagiza Taasisi zote zinazotoa huduma katika mzani huo kushirikiana na kuandaa maoni yao kuhusu namna ya kupunguza msongamano katika mzani huo na kuyawasilisha Wizarani ili yaweze kufanyiwa kazi.
Kwa upande wake, Meneja wa Wakala wa Barabara (TANROADS), mkoa wa Njombe, Mhandisi, Yusuph Mazana, ametaja baadhi ya changamoto zilizopo katika Mzani huo kuwa ni kuharibika kwa mzani mara kwa mara kutokana na mzani huo kuwa ni wa siku nyingi na kuwepo na muingiliano wa huduma kutoka Taasisi mbalimbali za serikali kama  Uhamiaji, Polisi na TRA.
Ameongeza kuwa changamoto nyingine ni baadhi ya magari kuegeshwa nje ya maeneo ya mzani baada ya kupima na hivyo kusababisha msongamano wa magari yanayotakiwa kuingia ndani ya eneo la mzani kwa ajili ya kupata huduma ya upimaji au kufanya taratibu nyingine.
Naibu Waziri Kwandikwa amemaliza ziara ya kikazi katika mikoa ya Lindi, Mtwara na Ruvuma ambapo alipata fursa ya kutembelea na kukagua miradi mbalimbali   inayotekelezwa na Sekta yake.
 Naibu Waziri wa Ujenzi, Elias Kwandikwa, akizungumza na wafanyakazi wa mzani wa Makambako, wakati alipotembelea mzani huo kufahamu changamoto wanazozipata katika utendaji wao wa kazi, Mkoani Njombe. 
Muonekano wa mzani wa Makambako, mkoani Njombe, wenye uwezo wa kudhibiti uzito wa magari makubwa yanayozidi 3500kg (tani 3.50). 

Imetolewa na Kitengo cha Mawasiliano Serikalini, Wizara ya Ujenzi, Uchukuzi na Mawasiliano.


WANANCHI NJOMBE WAKIRI KUKWAMA KATIKA BAADHI YA HUDUMA KWA KUKOSA VITAMBULISHO VYA TAIFA

Wananchi wa mkoa wa Njombe wameonyesha mwamko mkubwa kujitikoza kwa wingi kusajiliwa Vitambulisho vya Taifa wakielezea namna wanavyotegemea kuvitumia katika kupata huduma mbalimbali za kijamii.

Wilaya ya Njombe Halmashauri ya Mji wa Makambako, ambako zoezi la usajili linaendelea hivi sasa, wananchi wengi wamekiri kupoteza muda wao mwingi kufuatilia kupata vitambulisho vya Taifa kutokana na Umuhimu mkubwa wa Vitambulisho hivyo katika huduma mbalimbali za kijamii.

Bwana Alphonce Mtengela mkazi wa Njombe akiwa anasubiri kupata huduma amesema “Sasa hivi kila mahali wanahitaji Kitambulisho cha Taifa ili waweze kukuhudumia, nimekwama kuchukua Mkopo baada ya kutokuwa na Kitambulisho cha Taifa hivyo kuna haja ya kuwa nacho ili iwe rahisi kutambulika katika huduma za Kijamii”

Wananchi wa Mkoa wa Njombe katika Wilaya za Njombe, Ludewa, Wanging’ombe, Makete na Makambako wanaendelea na zoezi la Usajili utakaomalizika mwishoni mwa mwezi Februari mwaka huu.
Ndugu Nicholaus Lugandu mkazi wa Kijiji cha Ikelu Kata ya Ikelu Wilaya Njombe akichukuliwa alama za Vidole wakati akipatiwa huduma ya usajili na Utambuzi uliohusisha uchukuaji wa alama za Kibaiologia, saini ya Kielektroniki pamoja na Picha, zoezi linaloendelea hivi sasa katika Wilaya ya Njombe Halmashauri ya Mji wa Makambako.
Wakazi wa Kijiji cha Lyamkena Halmashauri ya Mji Makambako wakiwa nje ya Moja ya kituo cha Usajili wilayani Njombe wakisubiri kupatiwa huduma ya Usajili na Utambuzi ili kupatiwa Vitambulisho vya Taifa.
Bwana Alphonce Mtengela wa Kijiji cha Lyamkena Kata ya Lyamkena Wilaya Njombe akichukuliwa alama za Vidole wakati akipatiwa huduma ya usajili na Utambuzi uliohusisha uchukuaji wa alama za Kibaiologia, saini ya Kielektroniki pamoja na Picha, zoezi linaloendelea hivi sasa katika Wilaya ya Njombe Halmashauri ya Mji wa Makambako.
Bi. Anusiata Mwakalebela mwananchi mkazi wa wa Kijiji cha Lyamkena Kata ya Lyamkena Wilaya Njombe akichukuliwa alama za Vidole wakati akipatiwa huduma ya usajili na Utambuzi uliohusisha uchukuaji wa alama za Kibaiologia, saini ya Kielektroniki pamoja na Picha, zoezi linaloendelea hivi sasa katika Wilaya ya Njombe Halmashauri ya Mji wa Makambako.



KILIMANJARO MARATHON 2018 YAZINDULIWA RASMI MOSHI

Kilimanjaro Premium Lager Marathon 2018 ambayo ni ya 16 tangu kuanzishwa kwake, imezinduliwa rasmi Kibo Palace Homes kwa kushirikisha wadhamini, Chama Cha Riadha Mkoa wa Kilimanjaro (KAAA) na waandaaji wa mbio hizo.
Akizindua mbio hizo, Mkuu wa Mkoa wa Kilimanjaro, Mh. Anna Mghwira aliwapongeza wadhamnini na waandaaji wakiongozwa na Kilimanjaro Premium Lager 42km, Tigo-21km Grand Malt 5km na wadhamini wengine wa meza za maji kwa kazi nzuri kwani wamezifanya mbio hizi ziwe maarufu kabisa tangu kuanishwa kwake miaka 16 iliyopita na hivi kufanya Moshi na Kilimanjaro kwa ujumla ifahamike na watu kutaka kupatembelea. 
Mkuu wa Mkoa huyo alitoa wito kwa wafanya biashara kutumia fursa hii vizurikwani wakati huu wa Kilimanjaro Marathon ndio muda wa kufanya biashara tofauti tofauti kutokana na wingi wa watu huku pia akiwataka washiriki hasa wanaotokea Kilimanjaro kuonesha mfanomzurikwa kushinda zawadi nyingi iwezekanavyo.
 Mkuu wa Mkoa wa Kilimanjaro Mh. Anna Mghwira akizindua Kili Marathon 2018 Kibo Palace Homes Moshi huku akiwa na viongozi na wadhamini wa mbio hizo.

“Ofisi yangu iko tayari kabisa kushirikiana na nyinyi na kuwa mwenyeji wa tukio hili muhimu kwani tutahakikisha kuna usalama wa kutosha ili washiriki wawe salama na amani wakati wote wa mashindano,” alisema huku pia akitoa raikwa washiriki kuhakikisha wanatembelea vivutio mbalimbali vya utalii ndani na nje ya Kilimanjaro baada yam bio hizo. 
Alipongeza wadhamini wengine wakiwemo First National Bank, Kilimanjaro Water, Diamond Motors Ltd, KK Security, Keys Hotel, TPC Sugar, Simba Cement, KNAUF Gypsum, AAR ambao ndio wabia rasmi wa matibabu, Kibo Palace Hotel iliyodhamini uzinduzi huo na waandaaji Wild Frontiers, Deep Blue Media na Executive Solutions ambao ni waratibu wa kitaifa. Akizungumza katika uzinduzi huo Meneja Masoko, Udhamini, Habari na Promosheni wa TBL Group (Afrika Mashariki, George Kavishe alisema Kilimanjaro Premium Lager inajivunia kudhamini mbio hizo kwa miaka 16 sasa kutokana na weledi na uzoefu mkubwa wa waandaaji ambao wamefanya mbio hizoziwe maarufu sana na moja ya matokeo makubwa nchini. Meneja Masoko, Udhamini, Habari na Promosheni wa TBL Group (Afrika Mashariki, George Kavishe akizungumza katika uzinduzi huo.
Alisema kwa mwaka huu, Kilimanjaro Premium Lager imejiandaa vizuri kwani itatoa zawadi zenye thamani ya Tsh milioni 20 ambapo mshindi wa kwanza wa mbio za kilometa 42 kwa upande wa mshiriki mwanaume na mwanamke watapata tsh milioni 4 kila mmoja. Alisema mbio maarufu zakilometa 5 maarufu kama Fun Run, zinazodhaminiwa na Grand Malt pia zitafanyika ambapo watu wa rika zote wanaruhusiwa kushiriki. 
“Hizi ni mbio za kujifurahisha kwa hivyo watu wa rika zote wanakaribishwa kushiriki ili pia iwe kama sehemmu ya mazoezi huku wakipata kinywaji chao cha Grand malt chenye afya tele,” alisema. Kaimu Mkurugenzi wa Tigo Kanda ya Kaskazini, Henry Kinabo akizungumza kwenye uzinduzi wa hafla hiyo.
Kaimu Mkurueni wa Tigo Kanda ya Kaskazini, Henry Kinabo alisema wamejiandaa vizuri kwa kilometa 21 na kuwataka washiriki wajiandikishe kwa wakati kwani mbio hizo zimekuwa maarufu sana na hii imewapasababu zaidi ya kuendelea kudhamini mbio hizo. 
Alisema katika mwaka wake wan ne wa udhamini, Tigo itatoa zawadi zenye thamani ya Tsh Milioni 11 ambapo washindi wa kwanza hadi 10 watapata zawadi huku wa kwanza kwa upande wa wanaume na wanawake akipata Milioni 2 kila mmoja na kuongeza kuwa washiriki wote watakaomaliza mbio hizo watapata medali.  Mkuu wa Mkoa wa Kilimanjaro Mh. Anna Mghwira akiwa na wadhamini wa Kilimanjaro Marathon 2018.
Mkurugenzi Mtendaji wa Wild Frontiers ambaye pia ni Muandaaji wa mbio hizo, John Addison alisema maandalizi yote yamekamilika na mbio za mwaka huu zitafanyika katika Machi 4 katika Chuo Cha Ushirika Moshi kuanzia saa kumi na mbili asubuhi ambapo mbio za kilometa 42 zinatarajiwa kuanza. “Tunawashukuru mno wadhamini wetu kwa kutuunga mkono kwani tunatarajia kuwa mashindano ya mwaka huu yatakuwa makubwa na ya kusisimua zaidi,” alisema.


KESI YA UHUJUMU UCHUMI YA VIGOGO WATATU WA SIX TELECOMS YAPIGWA KALENDA

Na Karama Kenyunko, blogu ya jamii.

Mahakama ya Hakimu Mkazi Kisutu imeipiga kalenda kesi ya uhujumu uchumi inayowakabili vigogo wa Kampuni ya mawasiliano ya Six Telecoms, akiwemo Wakili Dk Ringo Tenga na wenzake kwa sababu upelelezi bado haujakamilika.

Mbali na Dk. Tenga, washitakiwa wengine ni Mfanyabiashara Peter Noni, Mhandisi na Mkurugenzi Mkuu wa Kampuni hiyo, Hafidhi Shamte, Mkuu wa fedha wa kampuni hiyo, Noel Odeny Chacha na Kampuni ya Six Telecoms Limited.

Wakili wa Serikali, Leonard Challo alidai mbele ya Hakimu Mkazi Mwandamizi, Victoria Nongwa kuwa kesi hiyo imekuja kwa ajili ya kutajwa na kwamba upelelezi bado unaendelea.

Hakimu Nongwa aliahirisha kesi hiyo hadi Januari 26, mwaka huu kwa ajili ya kutajwa.Katika kesi hiyo namba 73 ya 2017, inadaiwa kati ya January 1, 2014 na January 14,2016 Dar es Salaam washitakiwa, walitoza malipo ya simu za kimataifa kwa kiwango cha dola 0.25 kwa dakika kwa lengo la kujipatia faida.

Pia washtakiwa hao wanadaiwa katika tarehe hizo, washtakiwa waliisababishia TCRA hasara ya Dola za Marekani 3,736,861, sawa na Sh bilioni nane
Pichani ni Watuhumiwa wa kesi ya uhujumu uchumi inayowakabili vigogo hao Watatu wa Kampuni ya mawasiliano ya Six Telecoms, akiwemo Wakili Dk Ringo Tenga na wenzake wakiwa katika Mahakama ya Hakimu Mkazi Kisutu mapema leo .


WAKULIMA WA USAGALI AMCOS WILAYANI NZEGA WAMUOMBA MKUU WA MKOA KUWASAIDIA ILI WALIPWE DENI LAO LA MILIONI 193

RS TABORA

WAKULIMA wa Tumbaku wa Chama cha Msingi cha Ushirika Usagali (AMCOS) wilayani Nzega wameiomba Serikali ya Mkoa wa Tabora kuwasaidia kusimamia madai yao ya fedha zao kiasi cha shilingi milioni 193 za mauzo ya tumbaku kwa msimu 2015/2016 ambayo watuhumu kuchukuliwa na viongozi waliokuwa madarakani wakati huo.

Wakulima hao walitoa kilio hicho jana katika Kijiji cha Usagali wilayani Nzega wakati Mkuu wa Mkoa wa Tabora Aggrey akiwa katika ziara ya kutembelea Vyama vya Ushirika kuhimiza upandaji miti kupitia ushirika kwa ajili ya kurudisha uoto wa asili na kukifanya kilimo cha tumambaku kiwe rafiki kwa mazingira.

Mmoja wa wakulima Peter Mashoto alisema kuwa waliokuwa Viongozi wa Usagali na wajumbe wa Bodi wanatuhumiwa kulipwa fedha na Kampuni ya Tanzania Leaf Tobacco Company (TLTC) lakini wao walishindwa kuwalipa wakulima waliouza tumbaku yao na kuzichua wao kwa ajili ya matumizi binafsi.

Aliongeza kuwa wakulima waliodhulumiwa fedha hizo wameendelea kuishi maisha ya dhiki wakati watuhumiwa wanaendelea kuishi maisha mazuri na kujiendeleza wao binafsi huku wao wakishinda hata kuwaeneleza watoto wao kielimu.

Kwa upande wa Mwenyekiti wa sasa wa Usagali AMCOS Alphonce Sylvester aliomba Mrajisi Ofisi ya Mkuu wa Mkoa wa Tabora kuwasaidia kusimamia madai ya wakulima ili waweze kulipa fedha zao na kuwarudishia matumini.
Alisema kuwa baadhi ya wakulima wanaolima zao hilo yamekata tamaa baada ya kuona fedha za msimu msimu 2015/2016 hawajalipwa na kuona kuwa vitendo vya namna hiyo vinaweza kuendelea.

Sylvester aliongeza kuwa ili kurudisha matumaini kwa wakulima ni vema Serikali isaidie kusimamia ili haki itoewe na wakulima waweze kupata fedha zao.Kufuatia kilio hicho cha wakulima hao, Mkuu wa Tabora Mwanri aliwaagiza viongozi wa Halmashauri ya Wilaya ya Nzega kwa kushirikiana na Ofisi ya Mrajisiri Mkoa kufuatilia suala hilo na kuoana limekwamia wapi ili wakulima waweze kupatiwa haki yao kama madai yao ni halali.

Aliongeza kuwa ni jukumu lao kuhakikisha wanawashika mkono wakulima walidhulumiwa ili hatua dhidi wahusika zichukuliwe kwa ajili ya kuhakikisha haki inatendeka.Kwa upande wa Mkurugenzi Mtendaji wa Halmashauri ya Wilaya ya Nzega Jacob Ntalitinya aliahaidi kushirikiana na viongozi wa Ushirika kushughulikia tatizo hilo lilikwamia wapi ili wakulima wapate fedha zao na wahusika wachukuliwe hatua zinazostahili.


MAGAZETI YA LEO IJUMAA JANUARI 19, 2018


Serikali haijapiga marufuku biashara na matumizi ya mkaa

Wakala unapenda kuujulisha umma kuwa Serikali ya Tanzania haijapiga marufuku biashara na matumizi ya mkaa, isipokuwa inachotaka ni kuona uvunaji misitu unafanywa kwa kuzingatia sheria na kanuni zilizotungwa. Serikali inataka watu wafanye biashara hiyo kwa njia halali na walipe ushuru na kodi kwa mujibu wa sheria.

Wafanyabiashara wa mazao ya misitu wanatakiwa kutimiza masharti yafuatayo:
(i) Awe na hati ya usajili;
(ii) Awe na hati ya usafirishaji wa mazao ya misitu (Transit Pass);
(iii) Awe na leseni ya kuvuna mazao ya misitu;
(iv) Awe na leseni ya biashara ikiwa ni pamoja na TIN namba;
(v) Alipie ushuru wa Serikali Kuu na Serikali za Mitaa kama ilivyobainishwa kisheria;
(vi) Awe na daftari la kumbukumbu ya kupokea na kuuza mazao ya misitu.
Kutokana na Kanuni za usafirishaji wa mazao ya misitu za mwaka 1999 hairuhusiwi mtu yeyote kusafirisha mazao ya misitu (kwa njia ya barabara au maji) kati ya saa kumi na mbili jioni na saa kumi na mbili asubuhi.
Atakayevunja masharti hayo hatua za kisheria zitachukuliwa dhidi yake.

Mkaa.
Hairuhusiwi mtu yeyote kusafirisha mkaa hadi atimize masharti yaliyoko hapo juuu. Vilevile, mkaa, hata kama ni mfuko mmoja kwa ajili ya biashara au matumizi ya nyumbani, sharti ulipiwe.Pamoja na kutimiza masharti yaliyoorodheshwa hapo juu, wafanyabiashara wa mkaa wanatakiwa kutimiza masharti yafuatayo:-


(i) Awe na leseni itakayotolewa na Afisa Misitu wa Wilaya au Wakala wa Huduma za Misitu;
(ii) Awe na hati ya kusafirisha mkaa (Transit Pass), ambayo itagongwa muhuri katika kila kituo cha ukaguzi wa mazao ya misitu.
(iii) Mkaa usafirishwe kupitia njia zilizoruhusiwa na Ofisi za Misitu.
(iv) Atatakiwa alipie ushuru wa Serikali kwa kila kilogramu moja Sh 250 au kilogramu 50 kwa Sh 12500.
Kwa mtu yeyote atakayesafirisha mkaa bila kutimiza masharti yaliyotajwa hapo juu, hatua za kisheria zitachukuliwa dhidi yake.

Maelezo zaidi yanapatikana katika ofisi za Misitu za Wilaya na TFS.

Haya sio matenga ya samaki la hasa ni mbinu mpya iliyobuniwa na wahalifu  wanaosafirisha mkaa kinyume na taratibu kama yalivyokutwa na maafisa Misitu wa Wakala wa Huduma za Misitu Tanzania Kanda ya Mashariki walipokuwa wakifanya doria eneo la Dumila barabara ya Domoma - Morogoro jana.
 
kulia ni Herman Awet Afisa Misitu kanda ya mashariki akiwa na  henry malya ambaye anasimamia safu ya Dumila wakimueleza Mama mfanya biashara (aligoma kutaja jina lake) taratibu za bishara na usafirishaji wa mkaa mara baada ya kumkamata kwa kosa la kukiuka taratibu za usafirishaji mkaa kwa kuweka mkaa huo kwenye matenga na kusafirisha kama matenga ya samaki ili kukwepa maduhuli ya Serikali. Mama huyo alikamatwa Barabara ya Dumila.


MAKAMU WA RAIS AKAGUA MIFEREJI YA MAJI KATIKA ENEO LA BUGURUNI MIVINJENI NA MTONI KWA AZIZI ALI JIJINI DAR ES SALAAM

Makamu wa Rais wa Jamhuri ya Muungano wa Tanzania Mheshimiwa Samia Suluhu Hassan amewataka wananchi wanaoishi kwenye mpaka kati ya Buguruni Mivinjeni na Sharifu Shamba pamoja na Mtoni kwa Azizi Ali kuwa watunzaji wazuri wa mitaro ya maji kwani ni mali yao wenyewe na si ya serikali.

Makamu wa Rais aliyasema hayo wakati wa kuhitimisha ziara yake ya siku mbili ya kukagua maendeleo ya ujenzi wa kuta za bahari na mitaro ya maji jijini Dar es Salaam.Makamu wa Rais aliwaeleza wananchi hao kuwa mabadiliko ya tabia nchi yameathiri shughuli za kiuchumi , kijamii na kimazingira.

Makamu wa Rais Makamu wa Rais alisema kila mmoja anapaswa kujishughulisha katika suala la kusafisha na kuhifadhi mazingira .“ubaya wa mazingira ukiyaharibu yanakuadhibu” alisisitiza Makamu wa Rais.Mtaro wa Buguruni Mivinjeni una urefu wa mita 475 na ule wa kwa Azizi Ali una urefu wa mita 550.

Makamu wa Rais alisema nchi inapozungumzia uchumi wa viwanda ni mazingira “tukiharibu mazingira hamna uchumi wa viwanda” hata viwanda vitakavyojengwa vinahitaji kutunza mazingira, visafishe maji yake kabla ya kutiririsha.

Makamu wa Rais alitoa rai kwa yeyote atakayebainika kuharibu miundo mbinu wanachukuliwa hatua za haraka.Makamu wa Rais alimalizia kwa kusema kuwa Usalama wa Nchi, Amani, afya, mazingira bora hayana chama hivyo ni jukumu la kila mmoja kuwajibika ili maendeleo yaweze kupatikana.

Wakati huo huo Waziri wa Nchi Ofisi ya Makamu wa Rais Muungano na Mazingira Mhe. January Makamba amesema kuongezeka kwa watu katika jiji la Dar es Salaam na mabadiliko ya tabia nchi kutaendelea kutoa changamoto za miundo mbinu hivyo Ofisi ya Makamu wa Rais itaendelea kujenga miundo mbinu itakayowezesha wananchi kuendelea na shughuli zao kwa kushirikiana na wadau wa Maendeleo.
Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza wakati wa ziara yake ya kukagua mradi wa ujenzi wa mifereji ya maji ya mvua kuelekea Baharini katika maeneo ya Ilala Bungoni na Temeke kwa Aziz Ally Jijini Dar es Salaam leo. Mifereji hiyo inajengwa ikiwa ni utekelezaji wa mradi wa kukabiliana na mabadiliko ya tabia nchi ambapo lengo ni kunusuru hali ya mafuriko katika maeneo hayo. Kutoka kulia ni Waziri wa Nchi, Ofisi ya Makamu wa Rais Muungano na Mazingira January Makamba na Katibu Tawala wa Mkoa wa Dar es Salaam Theresia Mmbando..
Makamu wa Rais Mama Samia Suluhu Hassan akisikiliza maelekezo kutoka kwa mmoja wa mafundi wa wanaojenga mfereji wa maji taka eneo la Ilala Bungoni alipotembelea mradi huo leo Jijini Dar es Salaam
Sehemu ya mfereji unaojengwa katika eneo la Ilala Bungoni kwa ajili ya kupeleka maji hadi katika bonde la mto msimbazi ili kupunguza athari za mabadiliko ya tabia nchi ikiwemo mafuriko.
Sehemu ya mfereji unaojengwa katika eneo la Temeke kwa Aziz Ally kwa ajili ya kusafirisha maji ya ikiwa ni njia ya kukabiliana na athari za mabadiliko ya tabia nchi ikiwemo mafuriko.
Makamu wa Rais Mama Samia Suluhu Hassan akiulizia jambo wakati wa ziara yake ya kukagua maendeleo ya ujenzi wa mradi wa mfereji wa maji katika eneo la Ilala Bungoni leo Jijini Dar es Salaam. Kushoto ni Katibu Tawala wa Mkoa wa Dar es Salaam Theresia Mmbando, Mbunge wa Segerea Bonnah Kaluwa na Waziri wa Nchi, Ofisi ya Makamu wa Rais Muungano na Mazingira January Makamba.
Makamu wa Rais Mama Samia Suluhu Hassan akiulizia jambo wakati wa ziara yake ya kukagua maendeleo ya ujenzi wa mradi wa mfereji wa maji kuelekea baharini katika eneo la Temeke kwa Aziz Ally leo Jijini Dar es Salaam. Kushoto ni Waziri wa Nchi, Ofisi ya Makamu wa Rais Muungano na Mazingira January Makamba.Picha na: Frank Shija – MAELEZO


WAZIRI MKUU AKABIDHI KADI ZA MATIBABU KWA WAZEE 280


WAZIRI MKUU Kassim Majaliwa amegawa kadi za matibabu kwa wazee 280 wa wilaya ya Serengeti mkoani Mara, kadi hizo zitawawezesha wazee hao kutibiwa bure.

Amesema Serikali imedhamiria kuboresha huduma za afya kwa wananchi ikiwa ni pamoja na kutoa matibabu bure kwa wazee walio na umri wa kuanzia miaka 60.

Waziri Mkuu alikabidhi kadi hizo jana (Alhamisi, Januari 18, 2018) alipotembelea mradi wa ujenzi wa hospitali ya wilaya ya Serengeti, inayojengwa katika mji wa Mugumu.Alisema Serikali kwa kushirikiana na Halmashauri ya wilaya ya Serengeti itakamilisha ujenzi wa hospitali hiyo, itakayokuwa na uwezo wa kuwahudumia wakazi wa wilaya hiyo na wageni.

Waziri Mkuu alisema ujenzi wa hospitali hiyo ni muhimu kwa kuwa mbali na kuwanufaisha wananchi, pia watalii wanaotembelea mbuga ya Serengeti nao wataweza kutibiwa hapo.Awali, Mkuu wa wilaya hiyo Bw. Nurdin Babu alisema tangu mwaka 1974 wilaya hiyo ilipoanzishwa hadi sasa haina hospitali ya wilaya na wakazi wake wanatibiwa katika hospitali teule ya Nyerere inayomilikiwa na kanisa la Mennonite Tanzania.

Alisema kutokana na kuongeka kwa idadi ya wakazi hao pamoja na idadi kubwa ya wageni wanaotembelea Serengeti, hususan watalii hospitali hiyo haina tena uwezo wa kutoa huduma kwa kiwango kinachostahili.Bw. Babu alisema mara nyingi wageni wanaotembelea mbuga ya Serengeti hulazimika kufuata huduma za afya mjini Arusha au Nairobi nchini Kenya pale wanapougua au kupata ajali katika shughuli zao za kitalii.

Alisema kwa upande wa wakazi wa wilaya ya Serengeti wao hulazimika kufuata huduma za afya katika hospitali ya Mkoa au hospitali ya Rufaa ya Bugando, hivyo kukamilika kwa mradi huo wa ujenzi wa hospitali utawapunguzia kutembea umbali mrefu kufuata huduma hizo.

Pia Mkuu huyo wa wilaya alisema alianzisha kampeni ya changia sh. 1,000 kwa ajili ya ujenzi wa hospitali hiyo ya wilaya, kwa lengo la kuwafanya wakazi hao wajisikie kuwa wameshiriki katika ujenzi huo.

IMETOLEWA NA:
OFISI YA WAZIRI MKUU
IJUMAA, JANUARI 19, 2018.


Waziri Mkuu, Kassim Majaliwa akimkabidhi kadi ya matibabu ya bure kwa wazee, Johaness Chacha, moja wa wazee 280waliopatiwa vitambulishbo hivyo vitakavyowawezesha kutibiwa bure popote wilayani Serengeti katika makabidhiano yaliyofanyika kwenye viwanja vya hospitali ya wilaya ya Mugumu Januari 18, 2018. Kulia ni Mkuu wa Mkoa wa Mara, Adam Malima.Picha na Ofisi ya Waziri Mkuu


MWANAMITINDO WA KIMATAIFA FLAVIANA MATATA AZINDUA JENGO LA MADARASA MAWILI ALIYOYAJENGA YA SHULE YA MSINGI MKOANI PWANI

Na Evance Ng’ingo

MWANAMITINDO wa kimataifa afanyaye shughuli zake nchini Marekani, Flaviana Matata madarasa mawili ya shule za msingi iliyopo katika kijiji cha Msinune kilichopo kata ya Kiwangwa Wilaya ya Bagamoyo mkoani Pwani.

Flaviana alipewa jukumu la ulezi wa shule hiyo na wanakijiji wa Msinune mwaka 2014 wakati alipoenda kuwasaidia wanafunzi mabegi ya shule, walimpatia jukumu la kuwatengenezea vyoo, ofisi na nyumba za walimu pamoja na kumalizia ujenzi wa darasa.

Tangia alipopewa majukumu hayo alianza kwa ujenzi wa vyoo vya walimu na wanafunzi, na juzi alienda kukabidhi jengo la madarasa, darasa la saba na la sita pamoja na ofisi ya Mkuu wa Shule.Akizungumza wakati wa makabidhiano hayo Flaviana alisema, tangia alipopewa jukumu la ulezi wa shule hiyo amekuwa akihangaika huku na kule kupata fedha za kutatua kero za shule hiyo.

Alisema, kwa kufanikiwa kukabidhi jengo hio la madarasa anaona kuwa ameshiriki kikamilifu katika kutekeleza jukumu lake kama mwanajamii la kusaidia maendeleo ya elimu kwa jamii iliyokuwa na uhitaji mkubwa.

Alisema” sisi kama vijana kama watanzania tunalo jukumu la kujitokeza na kusaidia maendeleo ya elimu na sekta nyingine muhimu nchini kwa kuwa hili sio jukumu la serikali peke yake, sasa nimeshatengeneza vyoo vya walimu na wanafunzi na leo nakabidhi darasa”

Kwa upande wake Mwalimu Mkuu wa shule hiyo, Alex Lugaigalila alisema ujenzi wa darasa huo utawaongezea ufanisi wanafunzi katika masomo yao huku akibainisha wazi ushiriki wa Flaviana kwenye maendeleo ya shule hiyo umeongeza hamasa ya wanafunzi kusoma.

Kwa upande wake Afisa wa elimu wa Kata hiyo,Blasius Alphonce alisema kwa ujenzi wa jengo hilo, Flaviana amesaidia jitihada za serikali katika kuendeleza elimu kwenye kata hiyo yenye vijiji vitano.

Jengo hilo la darasa lililojengwa lina vyumba viwili vikubwa vilivyoezekwa kwa bati huku likuwa na madirisha makubwa yanayowezesha kupitisha hewa na chumba cha mwalimu mkuu.
Mwanamitindo wa Kimataifa afanyae kazi zake nchini Marekani, Flaviana Matata (wa tatu kulia) akikata utepe kuashiria uzinduzi wa jengo alilojenga la madarasa mawili na ofisi ya mwalimu mkuu wa shule ya msingi kwa shule ya msingi Msinune, iliyopo kata ya Kiwangwa wilayani Bagamoyo Mkoa wa Pwani jana.
Mwanamitindo wa Kimataifa afanyae kazi zake nchini Marekani, Flaviana Matata kushoto akikabidhi mipira kwa wanaafunzi wa shule hiyo, Flaviana ni mlezi wa shule hiyo.
Mwanamitindo Flaviana akionesha cheti cha heshima alichotunukiwa na uongozi wa kata ya Chiwangwa baada ya kuwajengea majengo ya shule.
Flaviana akipokea zawadi ya mbuzi kutokea kwa Mwenyekiti wa Kijiji cha Msinune, Ramadhan Mtokeni (kushoto) huku Diwana wa kata ya Chiwangwa (kulia) Malota Kwagga na Afisa elimu wa kata hiyo Blasius Alphonce kulia kwa diwani na Mwalimu Mkuu wa shule ya Msingi Msinune, Alex Lugaigalila wakiangalia.


Mtwarefa yatoa Tamko-Mtwara

Siku chahche baada ya Sekretarieti ya Shirikisho la Soka Nchini TFF kutoa taarifa ya kuwafikisha katika kamati ya maadili Viongozi wanne wa Soka Wakiwamo Msimamizi wa Kituo cha Mtwara Dastan Mkundi 

Katibu Mkuu wa Mkoa wa Mtwarefa Kizito Mbano,katibu Msaidizi wa Timu ya Ndanda FC Seleman Kachele na Mhasibu Msaidizi wa Club ya simba Sluiman Kahumbu  kwa Tuhuma za Kughushi Nyaraka,Chama Cha Soka mkoa wa Mtwara Kimeibuka na Kutoa Tamko.

Mwenyekiti wa Chamacha Soka Mkoa wa Mtwara MTWAREFA Athman Kambi amesema Chama Chake Kinatambua FORM  Inayoonesha mapato ya shilingi Million 37.7yaliyopatikana katika Mchezo Ndanda FC dhidi ya Simba FC Uliochezwa desemba 30 katika uwanja wa Umoja nangwanda sijaona Mkoani mtwara.

Aidha kambi amekiri kuwa Licha ya kuwa bado haijathibitishwa lakini Tuhuma Hizo zimeonesha Taswira Mbaya katika soko la Mkoa wa Mtwara

Kwa mujibu ya Kauni za Shirikisho ya Chama cha Mpira wa Miguu Nchini TFF mapato yanayopatikana baada ya Mechi  Asilimia 40 yanakwenda kwa timu mwenyeji,asilimia20 kwa timu inayocheza Ugenini,uwanja asilimia 15 na TFF wanapata asilimia5.


New full-length live video from Mzungu Kichaa's 2017 tour


SIKILIZA WIMBO MPYA WA MSANII VICTOR MKWANZANIA UITWAO MAARIFA.


KILWA YAJIPANGA KUBORESHA MIUNDOMBINI YA AFYA


Angela Msimbira- OR TAMISEMI KILWA


Kaimu Mganga Mkuu wa Halmashauri ya Wilaya ya Kilwa Dr. Khalfanis Mbukwa amesema kituo cha afya cha Kilwa Msoko ni miongoni mwa vituo 44 vya afya vilivyopatiwa shilingi milioni 500 kutoka Ofisi ya Rais Tawala za Mikoa na Serikali za Mitaa(OR-TAMISEMI) kwa ufadhili wa watu wa CANADA kwa ajili uanzishwaji wa huduma za upasuaji wa dharura kwa akina mama.

Akitoa taarifa kwa Wataalam kutoka Ofisi ya Rais Tawala za Mikoa na Serikali za Mitaa kwenye zoezi la ufuatiliaji wa utekelezaji wa ukarabati na ujenzi wa vituo vya afya nchini katika Wilaya ya Kilwa Mkoani Lindi Dr. Khalfanis Mbukwa amesema majengo yaliyojengwa ni chumba cha kuhifadhia maiti, nyumba ya Mtumishi, maabara, wodi ya akina mama, wodi ya watoto,, jengo la upasuaji na kichomea taka.

Dr.Mbukwa amesema jumla ya shilingi 356,988,598 zilikadiriwa kutumika katika ujenzi huo na mpaka sasa zimetumika shilingi 351,000,000 kwa ajili ya ujenzi wa chumba cha kuhifadhia maiti, nyumba ya mtumishi, maabara, wodi ya akina mama, wodi ya watoto na jengo la upasuaji.

Amesema ujenzi huu utasaidia kwa kiasi kikubwa kupunguza changamoto ya miundombinu ya afya kwa jamii kwa kuwa awali katika kituo cha afya cha Kilwa Masoko hakukuwa na Majengo ya Upasuaji, Wodi ya akinamama, wodi ya watoto, maabara na jengo la kuifadhia Maiti kuwa chakavu .

Amesema kuwa Kamati ya Manunuzi, Kamati ya mapokezi ya vifaa na kamati ya ujenzi imejipanga vyema kuendelea kusimamia kwa makini ili kuhakikisha dhamani fedha zilizotolewa na serikali zinaenda sambamba na ujenzi uliokubalika.Aidha ameongeza kuwa kiasi cha fedha kitakachobaki kitatumika kwa ajili ya ujenzi wa uzio,ukarabati wa jengo la wagonjwa wa nje (OPD), ukarabati wa nyumba za watumishi na ujenzi wa jengo la kiliniki ya Mama, Baba na Mtoto.
Kaimu Mganga Mkuu wa Halmashauri ya Wilaya ya Kilwa Dr. Khalfanis Mbukwa akitoa taarifa kwa wataalam kutoka Ofisi ya Rais Tawala za Mikoa na Serikali za Mitaa kuhusu maendeleo ya ukarabati na ujenzi wa vituo vya afya katika Wilaya hiyo.
Moja ya jengo la Wodi ya akinamama lililojengwa katika kituo cha afya cha Kilwa Masoko katika Halmashauri ya Wilaya ya Kilwa, Mkoa wa Lindi.
Moja ya jengo la upasuaji lililojengwa katika kituo cha afya cha Kilwa Masoko katika Halmashauri ya Wilaya ya Kilwa, Mkoa wa Lindi
Baadhi ya Watumishi wa Kituo cha Afya cha Halmashauri ya Wilaya ya Kilwa Masoko wakimsikiliza Mkuu wa Msafara kutoka Ofisi ya Rais Tawala za Mikoa na Serikali za Mitaa Bw. Mathew Mganga(Hayupo pichani) kwenye ufuatiliaji wa Ujenzi na ukarabati wa vituo vya afya nchini katika Halmashauri ya Wilaya ya Kilwa, Mkoa wa Lindi




INTRODUCING New Single By SG-SHINE


WANAOISHI MAENEO HATARISHI KUHAMISHWA CHEMBA

SERIKALI wilayani Chemba mkoani Dodoma imesema kuwa imepanga kuwahamisha watu wanaoishi maeneo hatarishi ya kupata mafuriko kutokana zaidi ya kaya 2,000 zimezungukwa na maji katika kata ya Mrijo hadi hivi sasa.

Akiongea wakati akitoa taarifa kwa waratibu wa maafa kutoka ofisi ya waziri mkuu waliokwenda kufanya tathimini ya maafa yaliyotokana na mafuriko ya mvua zinazoendelea kunyesha wilayani humo, mkuu wa wilaya ya Chemba, Simon Odunga alibainisha kuwa mkakati wa muda mrefu walionao ni kuwatafutia wakazi hao maeneo salama. 

Odunga Alisema kuwa kwa sasa kamati za maafa zimechukua hatua ya kukabili maafa ya mafuriko kutokana na idadi ya nyumba zilizozungukwa na maji imekuwa ikiongezeka siku hadi siku kutokana na mvua zinazoendelea kunyesha hivyo wameanzisha kambi maalum kwa watu ambao nyumba zao zimeanguka kutokana na maafa hayo.

Aliongeza kuwa msaada wa haraka unahitajika kutokana na waathirika hao wa mafuriko kutumia baadhi ya majengo ya madarasa ambayo yanapaswa kutumiwa na wanafunzi ambao wanajiunga na masomo mwaka huu.

“kwa sasa tunahitaji sana mahema, mataulo, mashuka , chakula pamoja na madawa kwajili ya kuwahudumia hawa watu ambao tunao hapa na tukipata vifaa hivyo basi tutaondoka hapa na kwenda kutengeza kambi sehemu nyingine ambayo tumeiandaa maaluum kwajili ya kuwahifadhi hawa watu na kuacha haya madarasa kwajili ya matumizi ya wanafunzi” alisema Odunga.

Mkuu huyo wa wilaya aliongeza kuwa tayari wilaya imeshaunda kamati mbalimbali ambazo zinahusika katika kusaidia wahanga hao kuwa salama kiafya kwa kuchukua tahadhari zinazoweza kuibuka kwa magonjwa ya mlipuko.

Naye mratibu wa maafa kutoka ofisi ya waziri mkuu Ally Mwatima, alisema kuwa mahitaji yote ambayo yameanishwa na mkuu huyo wa wilaya wameyachukua na watayawasilisha ili hatua ziweze kuchukuliwa mapema iwezekanavyo.

“Kwanza niwapongeze kwa kukabili maafa kwa mujibuwa sheria,kanuni namiongozo ya menejimentiya maafa, hali hii imesaidia kuokoa maisha ya hawa wenzetu na mahitaji yote mliyobainisha ni ya msingi sana hivyo tutakwenda kuonana pia na kamati ya maafa mkoa ili kuweza kuona na sisi tunaongeza nguvu katika vitu gani vya msingi ambavyo vitawasadia hawa wenzetu”alisema Mwatima.
Mkuu wa wilaya ya Chemba ,Simon Odunga akifafanuajamba wakati kamati ya maafa ya wilaya nakata ya Mrijo walipokutana na wataalamu kutoka Ofisi ya Waziri Mkuu kwa ajiliya tahmini ya athari zamaafa ya mafuriko katika katika wilaya hiyo.
Muonekano wa sehemu ya soko wilayani Chemba ambapo ni eneo mabalo wilaya hiyo imepanga kuweka kambi ya waathirika wa maafa ya mafuriko wakati wanapanga mikakati ya kuwapangia makazi salama waathirika hao.
Baadhi ya nyumba ambazo zimezungukwa na maji katika kata ya Mrijo wilayani Chemba kutokana na maafa ya mafuriko yaliyotokana na mvua zinazoendelea kunyesha wilayani humo.
Baadhi ya waathirika wa maafa ya mafuriko wakiwa katika kambi ya muda iliyo andaliwa na kamati ya maafaya wilaya ya Chemba kutokana na thari za maafa ya mafuriko wilayani humo.
Mratibu maafa Ofisi ya Waziri Mkuu (shati jeupe), Eward Boniphace, akifuatilia majadiliano wakati kamati ya maafa ya wilaya na kata ya Mrijo walipokutana na wataalamu kutoka Ofisi hiyo kwa ajili ya tahmini ya athari za maafa ya mafuriko wilayani Chemba mkoani Dodoma.


Vyombo vya Habari Vyaaswa Kuwa na Watumishi Wa kutosha Mkoani Dodoma


Na Beatrice Lyimo-MAELEZO, DODOMA
Mkurugenzi wa Idara ya Habari Dkt. Hassan Abbas ametoa wito kwa vyombo vyote vya habari mkoani Dodoma na kwingine nchini kuhakikisha wanakuwa na wafanyakazi wa kutosha watakaokidhi mahitaji kutokana na Serikali kuhamia Dodoma.
Dkt. Abbas ametoa wito huo mjini Dodoma wakati wa muendelezo wa ziara yake kutembelea vyombo vya habari mkoani humo ambapo leo ametembelea ofisi za Shirika la Utangazaji Tanzania (TBC), Uhuru Redio pamoja na Uhuru gazeti.
“Lengo la ziara yangu ni kuona na kujua changamoto za kiutendaji mnazao kutana nazo pamoja na jinsi gani mmejipanga juu ya ujio wa Serikali kuhamia Dodoma kwani matukio mengi ya kiserikali yatafanyika Mkoani hapa” ameongeza Dkt. Abbas.Aidha, Dkt. Abbas amevitaka vyombo vya Habari kufanya kazi kwa bidii, ushirikiano, ubunifu na kufuata maadili katika utendaji kazi hasa katika wakati huu wa mageuzi makubwa nchini.

“Katika mabadiliko au mageuzi yeyote hasa yanayoendelea sasa nchini kila mtu anapaswa kutimiza wajibu wake mahali pake pa kazi ili katika Tanzania ijayo ajivunie si kwa kuwa mlalamishi tu bali ajivunie kuwa naye alishiriki ipasavyo katika safari hii ya mabadiliko” amesisitiza Dkt. Abbas.

Dkt. Abbas ameongeza kuwa “Kwa upande wa habari mimi nimepewa jukumu la kusimamia maadili katika vyombo vya habari hivyo nasimamia na kufuata sheria na busara katika kila jambo linalohusu sekta ya habari ndio maana hatuchukui hatua tu bali tunashauriana na kuonyana kwanza pale wachache wanapokengeuka”.

Mbali na hayo Dkt. Abbas amesema kuwa, Rais wa Jamhuri ya Muungano wa Tanzania Dkt. John Magufuli anapambana na azma ya kupigania nchi kujitegemea na si kutegemea nchi za nje kwa maisha yetu yote hivyo vyombo vya habari vinajukumu la kupongeza pale Serikali inapotimiza kazi vyema na kukosoa pale ambapo Serikali inakosea lakini si kwa kukejeli, kutusi au chombo cha habari kuonekana kinafanya inda.

Ziara hiyo itaendelea kesho mkoani humo ambapo Dkt. Abbas atatembelea vituo vya Redio Alternative Fm (AFm) na Redio Nyemo Fm.
Mkurugenzi wa Idara ya Habari- MAELEZO na Msemaji Mkuu wa Serikali Dkt. Hassan Abbasi akizungumza na watumishi wa Shirika la Utangazaji Tanzania (TBC) Kanda ya Kati Dodoma wakati wa ziara ya kutembelea vyombo vya Habari Mkoani Dodoma mapema leo.kulia ni Mkuu wa TBC Kanda ya Kati Bw. Bakari Msulwa.
Mmoja wa Mafundi Mitambo wa TBC Kanda ya Kati Bw. Mbijimi Mzungu akitoa maelezo kwa. Mkurugenzi wa Idara ya Habari- MAELEZO na Msemaji Mkuu wa Serikali Dkt. Hassan Abbasi kuhusu namna mitambo ya Shirika hilo inavyofanya kazi wakati wa ziara yake katika Ofisi za Shirika hilo mapema leo.
Mkurugenzi wa Idara ya Habari- MAELEZO na Msemaji Mkuu wa Serikali Dkt. Hassan Abbasi akikagua vifaa vilivyopo ndani ya moja ya Studio za Shirika la Utangazaji Tanzania (TBC) Kanda ya Kati Dodoma wakati wa ziara yake mapema leo.
Mkurugenzi wa Idara ya Habari -MAELEZO na Msemaji Mkuu wa Serikali Dkt. Hassan Abbasi (katikati) akiwa kwenye picha ya pamoja na Watumishi wa Shirika la Utangazaji Tanzania (TBC) Kanda ya Kati Dodoma.
Mkurugenzi wa Idara ya Habari- MAELEZO na Msemaji Mkuu wa Serikali Dkt. Hassan Abbasi akizungumza na watumishi wa redio na gazeti la Uhuru Mkoani Dodoma mapema leo wakati wa ziara ya kutembelea vyombo vya Habari.


WIZARA YA ARDHI YADHAMIRIA MIJI MIKUU NCHINI KUWA KWENYE MPANGILIO MZURI

Na Said Mwishehe,Globu ya jamii

MKURUGENZI wa Mipango Miji Mijini na Vijijini kutoka Wizara ya Ardhi,Nyumba na Maendeleo ya Makazi, Profesa John Lupala amesema Serikali imejipanga vema kuhakikisha miji mikuu nchini inakuwa katika mpangilio unaotakiwa huku akifafanua ipo haja ya kushirikisha sekta binafsi katika kufanikisha mkakati huo.

Prof.Lupala ametoa kauli hiyo jana  jijini Dar es Salaam alipokutana na wadau mbalimbali katika mkutano wa majadiliano wa namna inayoweza kufanikisha mkakati wa Serikali kupitia Wizara hiyo kufanikisha kupangilia miji mikuu yote nchini huku akielezea pia mkakati wa miaka 10 uliopo ambao utahusisha kupima , kupanga na kumilikisha.

Akizungumza zaidi kuhusu ambavyo wamejipanga kuhakikisha miji mikuu inakuwa katika mpangilio unaotakiwa amesema kuna mikakati mbalimbali ya kufanikisha mchakato huo ambapo upo wa miaka mitano na ule wa miaka 10.

Amesema kwa kushirikiana na wadau ambao wanahusika na masuala ya mipango miji wanaamini wataharakisha kuweka mpangilio mzuri wa miji ili wananchi sasa waweze kufuata, tofauti na siku za nyuma ambapo wananchi walikuwa wanatangulia kuanzisha mji halafu namna ya kuupangilia mji 
unachelewa.

Amesema mkakati wa kufanikisha mpangilio wa miji ni wa kitaifa ingawa kuna baadhi ya maeneo tayari wamekamilisha kupanga mji na kuongeza wataendelea kufanya hivyo katika maeneo yote.Profesa Lupala amesema anatambua kuna changamoto ya wananchi kutokuwa na uwezo wa kujenga kulingana na namna ambavyo wizara inataka lakini ifahamike kuwa wamejipana vema kuhakikisha kunakuwa na miji ambayo itakuwa imepangika.

"Niseme tu kama wizara tumejipanga vilivyo na katika kipindi hiki cha miaka mitano lazima tuwe na Master plan' ambayo sasa itatuongoza na ukishakuwa nayo inakuwa rahisi kushirikisha wadau kuangalia namna ya kuiharakisha."Kuna kampuni zaidi ya 60 za upimaji na upangaji na tunaamini tukiwashirikisha tutakwenda kwa kasi zaidi.Ifahamike Master Plan haindaliwi na Wizara bali ni kazi ya halmashauri ni kazi yetu ni kuratibu,"amesema.

Amesema programu ambazo zinaandaliwa ni za muda mrefu na lengo lake ni kuona miji mikuu yote ya mikoa inakuwa na master plan na inapokuwepo ni rahisi kuandaa michoro.Alipoulizwa ni miji gani ambayo haipo kwenye mpangilio mzuri, Profesa Lupala amejibu kuwa ipo miji mingi tu ambayo haiko kwenye mpangilio na miongoni mwao lipo Jiji la Dar es Salaam ambalo linaongoza kwa kutokuwa kwenye mpangilio mzuri na kuongeza pia Mwanza,Dodoma na Arusha.

Hivyo wanaendelea na kazi ya kuweka miji hiyo kwenye mpangilio unaoeleweka na kufafanua katika mpango wa miaka 10 wa kupanga, kupima na kumilikisha wananchi watakuwa wakichangia gharama za upimaji maeneo yao.


DAWASCO YAGHARAMIA MATIBABU YA WALIOJERUHIWA KWA MOTO BUGURUNI

Na Emmanuel Massaka, Globu ya jamii .


SHIRIKA la Maji Safi na Maji Taka Dar es Salaam(DAWASCO), limeamua kugharamia matibabu kwa wananchi ambao wamepata majeraha mwilini kutokana na mlipuko wa moto ambao umetokana na kutoboka kwa bomba la gesi uliotokea maeneo ya Buguruni jijini Dar es Salaam, ambapo kwa sasa majeruhi hao wanaendelea kupatiwa matibabu Hospitali ya Taifa Muhimbili. 

Akizungumza akiwa katika Hospitali ya Taifa Muhimbili,Ofisa Habari wa Dawasco Everlasting Lyaro amesema wameamua kugharamia matibabu ya majeruhi hao baada ya kujiridhisha ni kweli wamepata majeraha kutokana na mlipuko wa moto ambao ulitokana na kutobolewa kwa bomba la gesi.

Amesema kuwa wafanyakazi wa Dawasco wakiwa katika eneo hilo la Buguruni wakiendelea na shughuli zao za kuziba bomba la maji la nchi 10, kwa bahati mbaya wakatoboa bomba la gesi na kusababisha moto kuanza kuwaka na kuleta madhara kwa baadhi ya wananchi waliokuwa eneo hilo. 

"Watu ambao wamepata majeraha kutokona na mlipuko huo wa moto uliotokea Buguruni ni watatu.Hivyo tumefika Hospitali ya Taifa Muhimbil kwa ajili ya kuwasalimia na kuwapa pole na kubwa zaidi ni kugharamia matibabu yao wakiwa hospitalini hapo,"amesema.

Mmoja wa wakazi wa eneo la Buguruni jijini Mariam Rubaa ambaye watoto wake wawili wamepata majeraha kutokana na kuungua moto amesema anaishukuru Dawasco kwa msaada huo wa matibabu kwa waliojeruhiwa na kuongeza kilichotokea ni ajali kwani hakuna aliyetarajia kama moto ungetokea eneo hilo na kusababisha madhara kwa wananchi. 
 Mmoja wa wahanga wa mlipuko wa moto ambao ulitokana na kutobolewa kwa bomba la gesi akiwa kwenye gari la wagonjwa katika Hospitali ya Taifa Muhimbili tayari kwa kupatiwa matibabu

Mmoja wa wahanga wa mlipuko wa moto ambao ulitokana na kutobolewa kwa bomba la gesi akishushwa kwenye gari la wagonjwa katika Hospitali ya Taifa Muhimbili tayari kwa kupatiwa matibabu. Picha na Emmanuel Massaka,Globu ya jamii.


WAJUMBE BARAZA VYAMA VYA SIASA WAJADILI MAPENDEKEZO YA KUTUNGWA SHERIA MPYA

Na Emmanuel Massaka, Globu ya Jamii.

BARAZA la Vyama vya Siasa nchini limekutana na wajumbe wanaounda baraza hilo kwa lengo la kujadili mapendekezo  ya kutungwa kwa ya sheria mpya ya vyama vya siasa.

Akizungumza jana  jijini Dar es Salaam, Mwenyekiti wa baraza hilo, John Shibuda amesema katika kujadili mapendekezo mjadala utaanzia katika kamati ya Baraza vyama vya siasa ‘Kamati ya sheria na Utawala Bora’ inaongozwa na Mwenyekiti wa Kamati Hassan Almas na Makamu Mwenyekiti, Sudd Said Sudd.

Alifafanua kuwa Kamati ya Sheria na utawala bora itapokea  mpango kitita katoka katika mawazo ya wanachama wa baraza hilo na kuongeza kuwa mchakato wa kutungwa kwa sheria mpya ya vyama vya siasa haujatendeka pamoja mchakato wa mapendekezo  ya sheria usajili wa vyama vya siasa.

Shibuda amesema baraza hilo liko huru bila kusukwa na mtu yeoyote.Amesema ndani ya wiki mbili inatakiwa kamati ya sheria na utawala bora iwe imekamilisha na baada ya hapo wiki mbili zingine iwe ni kwenda kamati ya baraza la vyama siasa inayoongozwa na Mwenyekiti wa baraza la vyama vya siasa.
 Mwenyekiti wa Baraza la Vyama vya Siasa Nchini, John Shibuda (pili kutoka kulia) akizungumza na waandishi wa habari mara baada ya kumaliza kikao cho cha baraza la vyama vya siasa leo jijini Dar es Salaam.
 Makamu Mwenyekiti wa Chama Cha Mapinduzi (Bara), Philip Mangula akizungumza na waandishi wa habari mara baada ya kumaliza kikao cha vyama vya siasa kilichofanyika leo jijini Dar es Salaam.

 Sehemu ya viongozi mbalimbali wa vyama vya siasa wakifatilia ajenda katika mkutano huo leo jijini Dar es Salaam. Picha na Emmanuel Massaka, Globu ya Jamii


MAAZIMIO YA MKUTANO KATI YA SMZ NA SMT KUSHUGHULIKIA MELI ZINAZOPEPERUSHA BENDERA YA TANZANIA KWA TUHUMA ZA KUSAFIRISHA SILAHA NA MADAWA YA KULEVYA

Meli hizo ni: Kaluba yenye usajili namba IMO 6828753 iliyokamatwa tarehe 27 Desemba 2017 ikiwa na wastani wa kilo 1,600 za dawa za kulevya huko katika maeneo ya Jamhuri ya Dominican Republic; na Andromeda yenye namba za usajili IMO 7614666 iliyokamatwa kwa kusafirisha silaha kinyume na Sheria za kimataifa. Meli zote mbili zimesajiliwa Tanzania kupitia taasisi yetu ya Mamlaka ya Usafiri Baharini Zanzibar ambayo ndiyo imepewa mamlaka ya kusajili meli za nje.
Hapa kwetu Tanzania tuna aina mbili za kusajili Meli; usajili wa Meli zenye asili ya Tanzania na zile zenye asili ya Nje. kwa kuzingatia kuwa Tanzania ni nchi mwanachama wa Umoja wa Mataifa na mashirika yake mbalimbali, siku zote tumekuwa tunaheshimu na kutekeleza kikamilifu majukumu yetu ya kimataifa yaliyowekwa kupitia mikataba na maazimio mbalimbali ya vyombo hivyo
Ndugu Waandishi wa Habari, kwa mujibu wa mkataba wa UNCLOS 1982 kila nchi imepewa haki ya kufanya usajili wa meli kwa kuzingatia mikataba ya kimataifa na sheria za nchi husika.Kwa upande wa Tanzania, usajili wa meli za kimataifa unasimamiwa na Sheria Na 5 ya mwaka 2006,

(Kwa upande wa SUMATRA ina Merchant Shipping Act ya mwaka 2003. Sheria hi inaruhusu usajili wa meli inayomilikiwa na Mtanzania, au meli inayomilikiwa kwa ubia kati ya Mtanzania na raia wa nchi nyingine. Kwa sheria hii ili meli ipate usajili wa SUMATRA na kuruhusiwa kupeperusha bendera ya Tanzania ni lazima umiliki wa meli uhusishwe na raia wa Tanzania kwa umiliki wote au kwa ubia lakini ni lazima Mtanzania awe na hisa nyingi. 
Vilevile kampuni hiyo ya umiliki lazima iwe ya Kitanzania kwa maana ya kusajiliwa na kujiendesha kutokea Tanzania hata kama kampuni hiyo inamilikiwa na watu wasio Watanzania. Na kwa upande wa Zanzibar kupitia ZMA wana Maritime Transport Act ya mwaka 2006).
Ndugu Waandishi wa Habari, nimewaita hapa kuzungumza nanyi na kupitia kwenu kuzungumza na wananchi wenzangu kuhusu taaarifa ya kukamatwa kwa meli zilizokuwa zimepakia shehena za dawa za kulevya na silaha zikiwa zinapeperusha bendera ya nchi yetu.


ZIARA YA DK SHEIN ENEO LA UJENZI WA MATANKI YA MAFUTA MWANGAPWANI ZANZIBAR

 RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akimsikiliza Katibu Mtendaji wa Kamisheni ya Ardhi Zanzibar  Ahmeid Rashid akitowa maelezo ya ujenzi wa Matenki ya kuhifadhia mafuta katika eneo la Mangwa pwani Zanzibar (Picha na Ikulu).